चितवन-  पहिलो ऐतिहासिक महाधिवेशन उद्घाटन गर्न लागेको रास्वपाले कार्यक्रमलाई सामान्य स्तरको बनाउन खाजेको छ । मञ्चमा थोरै मात्रै कुर्सी राखेको रास्वपाले तडकभडक नगरी सामान्य बनाउन खोजेको हो ।

यसअघिका अरु दलका यस्ता कार्यक्रममा सयौँ जनालाई मञ्चमा राख्ने व्यवस्था गरिन्थ्यो । तर रास्वपाले मञ्चमा थोरै कुर्सी राखेको छ ।

सभापति रवि लामिछाने, वरिष्ठ नेता वालेन्द्र शाह ‘बालेन’सहित मञ्चमा बस्ने सबै अतिथिको लागि उस्तै कुर्सीको व्यवस्था गरेको छ । प्रधानमन्त्री र सभापतिको लागि विशेष सोफा र कुर्सीको व्यवस्था गरिएको छैन ।

नेपाली कांग्रेसका सभापति गगन थापा, पूर्व प्रधानमन्त्री डा. बाबुराम भट्टराई, नेकपाका नेता वर्षमान पुन, राप्रपाका अध्यक्ष राजेन्द्र लिङ्देनसहितका नेता चितवन पुगिसकेका छन् । केही बेरमा महाधिवेशनको उद्घाटन हुँदै छ ।