काठमाडौं । नेपाली किसानहरुले उत्पादन गरेको कृषि उपज विचौलियको कारण उचित मूल्य नपाउने गरेकाले किसानहरु मारमा परेको राष्ट्रिय उपभोक्ता मञ्चले जनाएको छ । उपभोग्य बस्तुको बजार अराजक र अमर्यादित भएको भन्दै मञ्चका अध्यक्ष प्रेमलाल महर्जनले प्रधानमन्त्री पुष्पकमल दाहाललाई यस्तो अराजकता रोक्ने निवेदन पेश गरेका छन् ।

प्रधानमन्त्रीलाई दिएको निवेदनमा केही व्यापारी र विचौलियाका कारण दैनिक उपभोग्य बस्तुको मूल्य नियन्त्रण गर्न नसकिने र उत्पादन गर्ने किसानहरुले समेत लागत मूल्य नपाएको उल्लेख गरिएको छ । नेपाली किसानहरुले उत्पादन गरेको कृषि उपज विचोलियाका कारण बजार नपाएर सडकमा फ्याँक्नु पर्ने अवस्था आएकाले ध्यानाकर्षण समेत गराएको मञ्चका अध्यक्ष महर्जनले बताए ।

गोलभेंडा मात्र नभई, दूध सडकमा पोख्नु पर्ने उखु किसानहरुले बारीमा उखु सुकाएर डढाउनु पर्ने समसइा पटक पटक दोहोरिएकाले दिगो समाधान खोज्नका लागि प्रधानमन्त्रीलाई आग्रह गरिएको महर्जनको धारणा छ ।